Lalang Ungu

ruang ekspresi sepotong hati

Wedang Apel – Sereh

29 Komentar

Sore wingi aku mbukak-bukak maneh tulisan-tulisan lawas nang blog  iki, jebule wis suwe nemen aku ora nulis nganggo basa Jawa.

Lhah, jare karep nguri-uri basa Jawa..lha kok durung bisa ajeg nulis nganggo basa ibuku iki, sanajan mung sewulan pisan..apa maneh kok seminggu pisan pas dina Kamis Jawi kaya sing dingendikaake Pak Gub.. 😦

Amarga saka iku, dina iki tulisanku nganggo basa Jawa maneh, ah… Nanging arep nulis bab apa ya?

Ah iya, wektu iki aku arep nulis bab Apel lan Sereh wae. Lha..ana sesambungan apa antarane Woh Apel karo tanduran Sereh sing biasa kanggo bumbon iku?

Dadi critane ngene… Wis rada suwe iki aku asring ngrasakake lara nang bageyan sikil pernahe ngisor dhengkul (kiwa-tengen) uga ing bageyan sangisore bangkean kiwa.

Priksa nang Puskesmas aku oleh rujukan priksa nang Rumah Sakit Umum, poli syaraf. Sakliyane entuk obat-obatan werna-werna aku uga dirujuk nang Poli Fisioterapi. Sasat saben minggu kudu menyang Poli iku, diterapi nganggo alat MWD yaiku alat kang ngetoake panas kang sumbere saka gelombang / getaran.

Pancen saben rampung terapi rasane luwih kepenak, ora nyeri-nyeri maneh..nanging emane saben terapi wektune diwatesi mung 10 menit, nanging ngantrine nganti jam-jaman amarga pasiene uakeeeeh… Jaan, marakke mualeees…

Ngerteni aku sering lara nang dhengkul ngono kuwi, kanca-kancaku akeh sing menehi ngerti bab obat-obatan tradisional utawa obat alami, salah sijine ana sing ngirim kabar bab Godhogan Apel-Sereh lewat WhatsApp.

Sumber : WhatsApp Group

Yo merga saka iku akhir-akhir iki aku ora nerusake terapi nang RS, nanging nyoba terapi dewe ngombe godhogan Apel-Sereh, yo sebut wae Wedang sanajan tanpa ditambahi gula babar blas.

Carane nggawe wedang iku gampang kok.. Mung butuh 1-2 woh apel ijo (aku nganggo apel Malang) lan 4-5 sereh, kabeh mau diiris-iris cilik trus digodhog karo banyu watara 3 gelas, nganggo geni cilik nganti umub lan banyune susut kari sak gelas.  Sakwise diadhemke sawetara, banyu godhogan apel-sereh iku banjur diombe, rutin saben dina.

Cara nggawe Wedang Apel-Sereh

Alhamdulillah, saiki sikil lan bangkekanku ora asring kumat lara maneh kaya sakdurunge. Kayane wedang godhogan iku pancen cocok. Sakliyane aku, ibuku uga cocok ngunjuk ramuan iki, ngelongi gerahe boyok.

Tulisan iki pancen mung didhasari pengalamanku dewe, aku durung nemu alesan ilmiahe. Sakjane aku wis nyoba golek alesan ilmiahe apa sebabe ramuan apel-sereh iku apik kanggo lara kaya sing tak rasake, nanging nganti saiki aku kok durung nemu dasar sing ilmiah.

Mbok menawa kanca-kanca ana sing nduwe pengalaman padha utawa ana sing mangerteni alasan ilmiahe, mangga ditulis nang kolom komentar yoo..

***

Mohon maaf untuk teman-teman yang merasa roaming dengan post ini, insya Allah akan ditulis ulang dalam Bahasa Indonesia 🙂

Iklan

Penulis: Mechta Deera

ASN yang bekerja dan berdomisili di Kota Pekalongan, blogger ( https://mechtadeera.wordpress.com dan http://mechta.blogdetik.com ) dan penulis buku : Notes from Mecca (memoar); Janji Pagi (kumpulan puisi); Tentang Mimpi dan Kaca yang Telah Pecah (kumpulan cerpen).

29 thoughts on “Wedang Apel – Sereh

  1. Aku meraba-raba artinya. Dan minuman apel Plus sereh ini selain berhasiat untuk kesehatan rasanya pasti juga enak ya Mbak Tanti 🙂

    • Hehe… Maaf mb Evi..lg kangen nulis pakai bhs ibu…
      Ya mba.. Rasanya enak -dalam arti sama sekali tdk seperti jamu- seperti air biasa, serehnya jg gak pedes malah bikin aroma yg enak…

  2. wah…menarik sanget tulisan basa jowonipun, tapi ngapuntene yen kula ngomentari mboten ngangge basa ingkang pas lan campur-campur, amargi kula pun pitulikur tahun teng sulawesi,
    Kula nggih sering sakit boyok, pas nggen tulang belakang, mungkin saget cocok nggih mimun wedang apel sereh?, tapi raose pedes mboten nggih amargi kula gadhah sakit magh, nopo kinten-kinten mboten merangsang lambung? yen mboten kula badhe nyobi terapi niki. Suwun..

  3. Hahaha,,, saya termasuk yg hanya menangkap maksud mumunya.
    Alhamdulillah ya mbak, ramuannya cocok jd ga perlu bolak balik terapi lag.
    Rasanya kayak apa ya mbak? *ga nemu/ga ngerti bahasane 😀

    • Haha..alhamdulillah sudah tertangkap maksudnya ya mba…
      Rasanya biasa saja kok, sama sekali tidak pahit / pedas, tidak bisa dibilang tawar samasekali sih..tp ya tidak jauh beda dg minum air biasa..hanya ada aroma serai yg segar..

  4. wah baru tahu kalau punya kahsiat yang bagus , ok bisa dicoba

  5. ngerti ish mbak tapi aku ga bisa balasnya 🙂

  6. Saking fotone, raosipun seger lan mengeni…hihihi. Kapan2 pengen nyobi uga. Maturnuwun resep brigasipun mba’yuu. Mugi2 mba’yuu tansah kesarasan….. 😀

  7. Maturnuwun Diajeng paring wewahing seserapan. Nikmat berkhasiat ya Jemg

  8. ngertos, Mbak 🙂 duh, bosoku kasar, maklum, asline bonek hehehe

  9. Waaa ilmu anyar maneh, suwun mba infone..

  10. saya roaming abis, Mbak hahaha

  11. Apik tenan, buat jaga kesehatan juga bisa ini mah . .

  12. Wedew, blas rangerti mba.. wkwkwk

  13. MBAK, APEL Digodog rasane koyo opo yo?

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s